Kuch Rah-e-Ishq Ki Masti Thi,
Kuch Log The Hum Deewanay Se,
Jab Shehr Tumhara Chor Deya,
Dil Khoob Laga Veeranay Se.
.
Jo Jan Se Zyada Pyaray The,
Wo Log Nazar Se Door Hoye,
Ek Pyaas Si Dil Me Utthi Hai,
Ab Yaadon Ko Duhranay Se.
.
A Maut Ik Pal Tehr Zara,
Akhir Mein Un Ko Daik Tho Loon,
Baat Faqat Ik Pal Ki Hai,
Inkar Nahi Mar Janay Se.
.
Poet: Unknown (please inform if u Know) .
I don’t know what to write about this one… Everything here is my favorite but this one, it’s different. It is something so simple that most people may ignore it.
Manzelon ka pata lagana kyun?
Hai musafir tho pir thikana kyun?
Rastay mein agar bicharna tha,
Pir qadam se qadam milana kyun?
Jise ehsas hi nahi koi,
Hal dil ka use sunana kyun?
Kyun kisi ne kisi ko chor deya?
Pir wahi waqya purana kyun?
Ajnabeyat mein yeh tarap tho na thi.
Sochta hoon k us ko jana kyun?
Ab tho is ka koi ilaj nahi,
Tu ne dil ka kaha hi maana kyun?
Qurbatein kyun na theen muqadar mein?
La gaya door Aab-o-Dana kyun?
Poet: Adeem Hashmi
Zinda rahen tho kya hain? Jo mar jayeh hum tho kya?
Dunya se Khamshi se guzar jayen hum tho kya?
Hasti hi apni kya hai zamanay k samnay?
Ik Khwab hain jahan mein bikar jayeh hum tho kya?
Ab kom muntazir hai hamaray leyah wahan
Sham agaye hai laut k ghar jayen hum tho kya?
Dil ki khalish tho sath rahay gi tamam umar
Darya-e-Gham k par utar jayen hum tho kya?
Poet: Muneer Niazi
Na Laina Naam A Qasid, Faqat Itna Hi Keh Daina,
Jihen Tum Bhool Baitay Ho, Wo Aksar Yaad Kartay Hain.
Tujhay Izhar-e-Muahabbat Sa Agar Nafrat Hai,
Tu Na Honton ko Laraznay Sa Tho Roka Hota.
BeNiazi Sa Magar Kampthi Awaz Ka Saath,
Tu Na Gabra Ka Mera Naam Na Pocha Hota.
Tere Bas Mein Thi Agar Mashal-e-Jazbat Ki Lo,
Tere Rukhsar Mein Gulzar Na Bharka Hota.
Yun Tho Muj Sa Hoyeen Sirf Aab-o-Hawa Ki Bateen,
Apnay Tootay Hoyeh Lafzoon Ko Tho Parka Hota.
YunHi Bewajha Tinaknay Ki Zaroorat Kya Thi,
Dam-e-Rukhsat Agar Yaad Na Aaya Hota.
Tera Ghammaz Bana Khud Tera Andaz-e-Kharam,
Dil Na Sambla Tha Tho Gadmoon Ko Sambala Hota.
Apnay Badlay Meri Tasveer Nazar Ajati,
Tu Na Us Waqt Agar Ayena Daika Hota.
“Hausla Tuj Ko Na Tha Muj Sa Jhuda Honay Ka,
Warna Kajal Teri Aankon Mein Na Paila Hota…”
Written by: Ahmed Nadeem Qasmi
