Wo Jo Hum Mein Tum Mein Qarar Tha, Tumheen Yaad Ho Ka Na Yaad Ho,
Wo Yani Wada Nibah Ka, Tumheen Yaad ho Ka Na Yaad Ho.
Wo Jo Lutf Muj Pa Thay Peeshtar, Wo Karam Ka Tha Mere Haal Par,
Mujhay Sab Hai Yaad Zara Zara, Tumheen Yaad Ho Ka Na Yaad Ho.
Wo Nayeh Gillay, Wo Shikayateen, Wo Mazay Mazay Ki Hikayateen,
Wo har Aik Baat Pa Rootna, Tumheen Yaad Ho Ka Na Yaad Ho.
Kabhi Baitay Sab Mein Jo Rubaru, To Isharoon Hi Sa Guftugu,
Wo Bayan Shauq Ka Barmala, Tumheen Yaad Ho Ka Na Yaad Ho.
Koi Baat Aisi Agar Hoi, Ka Tumhari Ji Ko Buri Lagi,
Tho Bayan Sa Pehlay Hi Bhola, Tumheen Yaad Ho Ka Na Yaad Ho.
Kabhi Hum Mein Tum Mein Bhi Chah Thi, Kabhi Hum ko Tum Sa Bhi Raah Thi,
Kabhi Hum Bhi Tum Bhi Tha Ashna, Tumheen Yaad Ho Ka Na Yaad Ho.
Suno Zikar Hai Kayeh saal Ka, Keh Kiya Aap Na Aik Wada Tha,
So Nibahnay Ka Tho Zikr Keya, Tumheen Yaad Ho Ka Na Yaad Ho.
Wo Bigarna Wasl Ki Raat Ka, Wo Na Manna Kisi Baat Ka,
Wo Naheen Naheen Ki Har Aan Aada, Tumheen Yaad Ho Ka Na Yaad Ho.
Jisay Aap Gintay Tha Aashna, Jisay Aap Kehtay Tha Bawafa,
Mein Wahi Hoon Momin-e-Mubtala, Tumheen Yaad Ho Ka Na Yaad Ho.
Written By: Momin Khan “Momin”
