Teri Ham-Raqs Ka Naam!

Raqs Karthay Hoyeh,
Jis Ki Shanoon Pa Tu Na Abhi Sar Rakka Hai,
Kabhi Mein Bhi Is Ki Panahon Mein Thi,
Farq Yeh Hai Ka Mein,
Raat Sa Qabl Tanha Hoi,
Aur Tu Subah Tak,
Ab Faraib-e-Tahafuz Mein Khoye Rahay Gi!

Written By: Parveen Shakir

Published in: on March 27, 2008 at 3:14 pm Comments (6)
Tags: , , , , ,

The URI to TrackBack this entry is: http://rameezkakakhel.wordpress.com/2008/03/27/teri-ham-raqs-ka-naam/trackback/

RSS feed for comments on this post.

6 Comments Leave a comment.

  1. On September 18, 2008 at 10:23 am ghalibayaz Said:

    Jahaan kharaab sahi hum, badan dareedaa sahi
    Teri talaash me nikle hain, paa bureedaa sahi

    Jahaan e she’r me meri kayee riyaasaten hain !!
    Main apne shahr me gumnam o na shaneedaa sahi

    Bhale hi chhaaoN na de, aasraa to detaa hai
    Ye aarzu ka shajar hai, khazaaN raseedaa sahi

    Inhi bujhi hui aankhoN me khaab aaye gaa
    YaqiN na chhor, ye bimaar o shab gazeedaa sahi

    DiloN ko jorne waali ghazal salaamat hai
    Ta’alluqaat hamaare agar kasheedaa sahi

    By : Ghalib Ayaz

    Reply
  2. On September 18, 2008 at 10:25 am ghalibayaz Said:

    Ab mujhe hai use bhulaa denaa
    Ae khudaa tu hi hauslaa denaa

    Main nahin, zindagi sawaali thi
    Meri ghairat ko ye bata denaa

    Sakht jaani to hijr sah legi
    Tum mujhe dusri sazaa denaa

    Aandhiyaan pahle thamna yaarab
    Tab mere haath me diyaa denaa

    Jab mujhe tum pukaarna chaaho
    Roshni, roshni, sadaa denaa.

    By : Ghalib Ayaz

    Reply
  3. On September 18, 2008 at 10:25 am ghalibayaz Said:

    Ab khuda se zara nayaa maangen
    Bichre logon ka kuchh pata maangen

    Ek jhalak phir usi shabaahat ki,
    Zindagi tujh se aur kiyaa maangen

    Jhulse honton pe pyaas kiya thahre
    Phir bhi tafreeh ko ghataa maangen

    Phir yahi dil ujaal degaa woh
    Hum agar ijz se duaa maangen

    Paaon ki laghzishen bajaa lekin
    Hausle aur raastaa maangen

    Hum to maqsum hogaye hian magar
    Hindse aur bhi ghazaa maangen !!!!

    By : Ghalib Ayaz

    Reply
  4. On September 18, 2008 at 10:26 am ghalibayaz Said:

    Wo humpe mehrbaan the, ab nahin hain
    Hum unse khushgumaan the, ab nahin hain

    Hamaari aankh jab tak na khuli thi
    Nisaar e dostaan the, ab nahin hain

    Zeyaadaa din nahi beete ke dil men
    Kayi aatish feshaan the, ab nahi hian

    Har ek jaanib hamaari puchh gachh thi
    Har ek mahfil ki jaan the, ab nahin hain

    Teri chaaht se pahle ka bayaan hai !!
    Misaal e aasmaan the, ab nahin hain

    Chalo hum un ta’alluq pe bhi rolen !!
    Jo apne darmiyaan the, ab nahin hain

    Abhi zindaa hai har mazdoor lekin
    Jo zaalim hukmuraan the, ab nahin hain

    By : Ghalib Ayaz

    Reply
  5. On September 19, 2008 at 9:52 am rameezkakakhel Said:

    Wah! Nice, zabardast… Why don’t you start a Poetry blog?

    Reply
  6. On January 23, 2009 at 11:37 am Ghalib Ayaz Said:

    please visit on my Blog and give your comment
    http://ghalibayaz.wordpress.com/ghazals/

    Reply

Leave a Comment